ZAIDAMNA

•       Thil hriat dik hian zaidamna a thlen thei a, thinurna pawh a siam thei bawk
•      Dawihzep vang ni lova \hatna avanga zaidamna chuan, a khingpui leh ama tan rah tha tak a chhuah \hin.
•       Mi zaidam kianga awm chu a nuam em em a, harsatna a tawhin a chhe lam aiin a \ha zawnga thil ngaihtuah \hin mi an ni a.
•       Thil ngaihtuah dik thiamna, zaidamna, hahchawlhna a thlen \hin.
•       Nu zaidam leh pa zaidam chuan an fate thil tihsual palhah pawh thinura hauh nghal ai chuan thinurna tel lovin  fel takin an hrilh zawk \hin a, an zak ang tih hlauvin an thil tihsualah \awngkam mawi takin an hliahkhuh nghal \hin.
•   Mihring leh mihring inkarah harsatna a lo thlenin mi zaidam nun chu a khingpui tan hahchawlhnain a dingchhuak phak a ni.
•       Mi zaidam chuan ui, ar, bawng leh an ngaina bik a, an khawi ngam thei bik bawk a ni.
•    Zaidam lote kut thlakna angah mi zaidam chuan kut an thlak ngai lova, an mitmeng leh nunphungah ran takngial pawhin an hre thei a ni.
•       Mi zaidam lote chetsual(mualphona) hmun angah mi zaidam chuan hmun tlem a la neih belh a ni
•       Zaidamna hi taksa tan chaw \ha a ni a, mi dangte tana ei tlek reng a ni.
•       Zaidamna hi a tirah kawlsa lo angina wm mah ila, miin tih takna tel chuan a duh hun hunah a  kawl thei a ni.
•    I taksa chunga thuneitu chu nangmah i ni a, i nun kawng chu remfel thuai la, thinurna aw chhuak tur chu dah kiang la, aw kamchhuak zaidamna aw tichhuak \hin zawk ang che.

CHATUAN NUN HLUTNA

• Thil lem hian innghahna engmah a nei lo a, thutak pawh hian a takna hloh ngai lo.
• Chung Khuanu a\anga chhuak nunna chu pian ni nei lo, chatuana nung reng, a inlanna mihring taksa boral hnu pawh a boral ve ngai lo chu a ni. 
• Mihringin he mihring taksa luahtu Chung Khuanu a\anga chhuak nunna hi boral thei lo, pian ni nei lo leh thih ni pawh nei lo tur, chatuana awm reng a ni tih a hrefiah thei. 
• Chu Chatuan nunna thu chu miin nunga a hriatfiah tawh chuan engmahin a nun chhungril a khawih buaiin a hruai khawlo tak tak thei tawh ngai lo.
• He mihring taksa luahtu chatuan Pathian hi hmuh theih loh, ngaihruat phâk loh, danglam ngai lo a ni tih hrefiahtu chuan atan lungngaihna tur a awm lo tih a hmufiah \hin.

EI IN MALSAWMNA(Chaw ei dawna chham mi)

1. Khawvêl êng hmu a ka lo pianin, Leilung hlutna ring tura din ka ni.

2. Boruak thianghlim leh tisa mamawh chaw ka dawnte hi Siamtu malsâwmna famkim a ni.

3. Taksa mamawh tâwk ei thiamin, rilru thianghlim, finna leh chakna famkimin lo pâr chhuak rawh se.

LAL CHIBAI BUKNA(Zingkara chham mi)

1. Chibai, Chunga Pathian, zîng ni chhuak éng mawi takah hian kan fak a che.


2. Ni tha leh duhawm min pèk avângin kan láwm a, hrisêlna hlu tak min pèk avângin kan láwm e.


3. Min enkawltù nù leh pàte avângin kan láwm a, pî leh pû, nî te leh, û leh nau te avângin kan láwm e.


4. Nangmaha kan awm reng avângin kan thlamuang a, min enkawl \hin avângin kan láwm e.

5. Chung Khuanù, I chungah kan láwm e.

ZO SAKHAW THUTHLUNGPUI

1. Nun zawng zawng kawltu leh petu, engkim siama dintu leh thil tïnrëng bul, a thil siamte hmanga inpuang  \hin, danglam ngai lo, chatuana awm reng chu Chung Khuanu a ni.

2. Chung Khuanu chuan Ama duh dan leh remruatin leilung luah atân thil nung tìnrëng a din a. Chùngte chu awm \an ni leh tãwp ni nei tura a din an ni 

3. Chung Khuanu chuan mi zawng zawng hi Amah a\anga chhuak Chatuana Nunna min pe a, chu Chatuan Nunna chu mihringte khawih danglam phâk a ni lo. 


4. Chung Khuanu min pêk Chatuan Nunna chu he hringnun damlai leh thih hnuah pawh a pangngai rengin a ding.

5. Mi zawng zawng hi Chatuan Nun nei sa veka piang kan nih avangin Chatuan Nun nei tura beih kan ngai lo. Amaherawhchu, Chatuan Nun kan nei a ni tih mahni leh midangte hrilh hre tur erawh chuan he hringnun hi buatsaih a ngai a ni.

6. Chung Khuanu chuan a thil siam tinrëng hi nihphung leh zia nei vekin a buatsaih a, an nihphung leh zia dik taka an lo pâr chhuah hi a thuthlung a ni. 


7. A chênpui mihringte leh thilsiam tinrëngte chu an nihphung leh zia dik taka an pâr chhuah theihna tura hmangaihna nêna enkawl hi Pathian mi nih inhriate chanvo a ni.


8. Ram leh hnam leh a dintu Chung Khuanu chu pumkhat, \hen hran theih loh a ni a, pakhat pawh a tel loin sakhua a famkim thei lo.

HNAM ZAHAWM AN NI

          Sapho khan Zoram chhûng rawn luta Zofate hnam zia an han zir chian tak tak chuan mak danglamna tak an neiin an hria a ni. Engangin nge  min hmuh le? Zofate chu hnam thenkhatin, ‘Chin,’ tia an koh laiin, a thenin, ‘Kuki,’ an lo ti a; a then erawh chuan, ‘Lushai,’ an ti thung. Heng Zofate koh dan hrang hranga an lo koh tawhte hi an hming chu Zo a ni a, chutah chuan, ‘Zo’ tih ringawt te, Mizo te, Zomi te, Zote te, Zophei te, Zotung te, Bamzo te, Laizo te an la awm nual mai. Mingote chuan heti anga kohte hi lehkha pawh nei lo, hnam mawl ni maia an hriat laiin he ram chhûng an rawn luh chilha an nun zia an han hriat chian meuh chuan hnam huaisen tak, hlauh nei mang lo, khawsak dân mawl tak mai, pawisak neih hmel lo tak, mahse hawihhawm tak si, tuarchhel tak,  hnam rinawm tak an lo ni a; an khawtlâng in awp dân leh an khaw rem vel dân te chu fel thlap mai, hnam fing leh changkangho tih dân ni awm tak a ni tih chu an hmuh dân a ni. Missionary hna thawka lo kalte’n an rama an hawa an Biak In-a an thawhna hmun chanchin an hriattir dân chuan, “Hnam kawlhsen tak leh pawisak neih hmel loh tak, mahse hawihhâwm tak leh rinawm si an ni a, an tawng lah chu a mawi em em mai a, khawvel tawng mai ber ber a tling mai âwm e,” an ti a ni.

Aw ka hringnun, chatuannun hlu pa atanga i hmuh ni khan,

Leilungah hlutna leh pawimawhna neiin i ding chhuak ta si.

Chung Pathian kut nghahna i ni ta e.

Nangmahah awmin nang pawh amahah hun felin i awm ta si a.

Aw ka Lal chenna ka hringnun, i par mawi rimtui chhuah la, 

I lei dam chhung hunte chu ka chatuan lalna ni ang che.

Lal vangin i kiangah hnamte lo hahdam se

I awka chhuak chu lei hring mi tan, damna leh chawlhna tling ni zel rawh se.

Lawm lai ni leh lungngaih ni te, chatuan malsawmnaah par chhuahtir ang che.

A kiansan lawng che ka Lal chuan,

I nun kawng chu a remruatah a tlantir mek zel e.

Nang lo chu khawvelah keimah an awm si lo.

Keimah i ni e, min tihna hmunah leilung Pathianah i dingchhuak ta si.

Leilungte Pathianin khawvel chhandam ni zel rawh se.

LALMALSAWMNA

Malsawmna kim chang a, hringnun tuamtu ka lal,

Zing boruak thiang leh chhun hun tha,

Dik tak leh hlimten kan hmang za e hnamte tan;

Tanpui ngaite tanpui zelin,

Chhun ni ka leng ang ka lal vangin.

Nungcha te leh va tinrengin

An lawm e khawvar eng mawi,

A ruattu lal nan an ding za e,

Mitin te u, lo tho r'u, khua a var e,

Rinawmna leh dikna puan rawn veng chhuak ula, 

Lalpa min pek kan chenna khawvel cheimawi turin i tlan za ang.

HNAMTE MALSAWMNA

Aw Nunna Lalpa Pathian,

Nangmaha kan awmin

Nang chu keimahniah i awm si a

Chatuan mi nihna a mal min sawmin

I malsawmna leilung ngei hi;

Ka hringnun chanvo a lo ni.

Aw Nunna Lalpa Pathian,

Leilungah hlutna leh pawimawhna neia

I siam kan hringnun hi;

Hnamte tan malsawmnaah par chhuah tir zel ang che.

VANRAM LEH HREMHMUN

Kristian inti, Isua zuitu nia inchhalte hian hremhmun hi an hre chiang lo em ni ang aw ka ti thin. Kristian Kohhran thenkhat rin dan chuan hremhmun hi thih hnua mi sualte(Isua ring lo mite) thlarau meia chatuana hremna niin an ruat a. Heng mite hian Isua ding lama an khenbeh ve hnena Isua thu sawi, 'Tih tak meuhin ka hrilh a che, vawiinah hian ka hnenah Paradis-ah i awm ve ang,' tia a chhanna hian awmzia a nei thuk viau mai thei a ni. Kohhran tlem zawk erawh chuan Isua ring duh lo mi sualte chu an thih hnua an thlarau chu chatuana meia kang tur ni loin, kang ral nghal vek turah an ruat ve thung a ni. Heti zawnga pawmtute tan erawh chuan a chunga Bible chang kan sawi tak khi a ziah dan a dabng leh deuh thei a ni. A hmasaah kha chuan, "Tih tak meuhin ka hrilh a che,' tih chinah hian coma(,) a awm a. A hnuhnung zawk ringtute Bible chhiar turah chuan, "Tih tak meuhin ka hrilh a che vawiinah hian, ka hnenah Paradis-sah i awm ve ang," tih a ni thung ang. A hawrawp chu inzat reng mah sela, thumal awmna pawh inthlakthleng chuang loin an awmna ngai theuhah la inrem thomah sela, comma (,) awmna a insawn hian a sawi tum a dang daih thei a ni. Engpawh ni rawh se, a hnuhnung zawk hi Bible zirtir dan ni zawk awm tak a ni. Isua khan Pathian ring lo mite chu chatuan nunna an nei lo a, chatuan boralnaah an kal tur thu a sawi tlat mai a. Sam ziak pawhin, 'Rei lo te achinah mi suaksual chu a awm tawh dawn si lo a; a ni, a awmna hmun chu en en mah la i hmu tawh lo ang," tiin a sawi a. Solomona pawhin, 'Mihring fate thlarau chu chung lamah a chho, emaw, ramsa thlarau chu hnuai lamah, leiah a chhuk emaw, tih tu nge hria? A hnua thil lo awm te rawn hmu turin tu nge rawn hruai kir leh hlei ang? a ti. Mihringte leh ramsate chu an thihin lei vaivutah an chang leh vek a ni tih a sawi chiang hle bawk a ni. Chuti a lo nih chuan mi sualte thlarau chu meidilah chatuana hrem lo ni dawn ta sela, mi felte ang bawka chatuan nunna nei an ni ve tho dawn tihna a ni a, Bible chang dang zawng zawng a kalh vek dawn tihna a ni nghal bawk ang. Chuti chuan, mi sualte hremna tur meidil chu chatuanin a awm reng a, a hrem tur mi sualte erawh chuan chatuan an daih lo thung a ni tihna a ni; a chhan chu, Hebrai ziaktu leh Mosia ziak chuan Pathian chu mi kan ral hmang mei a ni tih an sawi tlat avangin. Kan eirawng bawlna mei hi chu a ni lo tihna a nih chu. Hindu sakhuaah te, Zoarastrianism-ah te, Judaism-ah te leh Kristian sakhuaah te chuan thih hnua mi sual hremna a awm vek a ni awm e.

        Mizote sakhuaah chuan thih hnuah mi sual hremna a awm ve lo a, mi sual, mi dangte tana chimawm leh vangtlang tana hnawksak mi reng reng chu an thih hnua an thlarau ni loin, an tisa dam lai niah ngei an thil sual tih man chu an tel ang a, an thlah kal zel thleng pawehin an tihsual rah chu an seng thei bawk a ni. Entirna'n- Rannung manin lo sawisa ta la, thi si lo, dam si loin han awmtir reng ta la, i tihsual man chu i dam laia a rah i seng loh vek pawhin i chithlahah ngei khan a lang tho tho ang, chu chu chiang tak a ni. A nih loh leh i mihringpui ngei mi ang mang lo kha han tiduhdahin han sawisa ngat teh, i tihsual man chu a tak ngeiin i tel chiang ngawt ang. Chu chu a ni mai.

       Kristiante chuan Vanram an sawiah chuan Isua ringtute chu an thih hnuah an thlarau kalna turah an ruat a, khawvela an dam laia an awm lai ang bawka kan la inhre hrang nuaih ang hian Vanramah chuan la inhre hrang nuaih turah an inruat a, kan mihrinna ang hian, 'Saw saw chu mi kha mi chu a ni a, hei hi chu mi kha mi chu a ni,' tih ang hian la inhre turah an inruat a ni.

       Mizo sakhuaah erawh chuan mihring chu an thih hnuah chuan an thlarau chu Pathian hnenah kalin, Pathianah an chang leh vek dawn a ni. A chhan chu nausen lo piang hian Hu an nei nghal a, chu chu an nunna thaw chu a ni. An lo pian hnua naulaihrilh an hman a, bawrh an keu a, hming an neih hman a, Pathian hnena Puithiamin a hlan atang chiah khan Zing an nei ta nghal a, 'ZIng,' chu Pathian hnena mi thlarau a ni. Pathian hnena mi thlarau kha Khawzing Pathianin an thlarau atan a rawn pe a, chu tak chu an thih hnuah chuan Pathian hnena an kal khan mihringin an ding dawn lo a, Pathianin an ding dawn a ni. Mizo upa hla hlui tak pakhatah chuan,

       "A fam po po mual an khum,

        Thlanpial kawtah;

         Rihli tui an dawn hmasa,

         Pathian an chang,"

a ti tlat a ni. Chuvangin kan thih hnuah chuan mi sual an ni emaw, mi tha an ni emaw, Pathian hnen kan thlenin, mihring ni loin, Pathian bawk kan ni leh ang.