HRINGNUN THLIRNA THUFING LAWRKHAWMTE - I

1. A bul leh a tawp ngaihtuah chiang lovin engmah ti suh.

2. A dera hmangaihna hi intihderna zawng zawngah a tuartu tân a na ber.

3. A dik a ni tih hre chunga tih si loh hi dawihzepna tenawm ber a ni.

4. A hmun leh a hun thliar lova thu i sawi chuan nakinah lungngaihna a thlen ang che.

5. A hun taka ṭawng chuh leh a hun taka ngawih chuh hi mifingte mize ropui ber a ni.

6. A nuam apiang umtu chuan hrehawm a umpha thuai ang.

7. A pawi kan tih chuan a tlai lutuk ṭhin.

8. A tawk hi a lutuk aiin a ṭha zawk.

9. A tlemin emaw, a tamin emaw a tih danglam theihloh khawpa rinawmna hi rinawmna dik tak a ni.

10. Awlsam taka innei an tam apiangin  awlsam taka inṭhenna a tam ṭhin.

11. Beiseina nei derlo mi chu nungreng chunga thi ang an ni.

12. Buaina leh harsatna i tawh hma chuan ṭhianṭha ka nei ti mai suh.

13. Chapona hian hmelma tamtak min siamsaka ṭhian tamtak min umkian sak.

14. Chawimawina ringawt lawmtu chuan dikna a lawmlo.

15. Chhia zawng zawngah rilru chhia hi a chhe ber.

16. Chhumdum phenah ni eng mawi tak a awm angin, tuarna phenah malsawmna eng mawi tak a awm          

         ṭhin.

17. Chhungkua inkawm thiam tak chuan mi tinreng an kawm thiam ṭhin.

18.  Dan ṭha tak neih hi mihring ṭhatna a ni chuang lo a, mihring ṭha taka awm hi dan ṭha tak neihna a ni  

         zawk.

19. Dawhtheihna tlachhamtu chu ngaihdamna tlachhamtu a ni.

20. Dawihzep tan hmun ralmuang a awmlo angin, huaisen tan hmun hlauhawm a awmlo.

21. Dawihzepna chu mihing harsatna a tangin a tlanchhia a, huaisenna erawh chuan mihring harsatna a tawna, a su kiang ṭhin.

22. Dawt hian amah a ding turin ke a nei lova, dawt dang a ngai zel ṭhin.

23. Dawtsawi chin hi mihring hlutna hlohtirtu a ni.

24. Diklohna aṭanga hausakna chuan, diklo taka nunah a hruai ṭhin.

25. Dikna avanga retheihna chuan, dik taka nun avanga lawmna thuruk a chhar ṭhin.

26. Daktawr leh Ukil tamnaah chuan damlo leh thu buai a tam tual tual ṭhin.

27. Duhdan a inan loh chuan chhungkaw puitling a din theihloh.

28. Duhtam luat hi retheihna a ni.

29. Duhamna hi thil sual zawng zawng luh ṭanna a ni.

30. Engkim thiam a ṭha a, amaherawh chu engkimah thiamna hman kher a ṭhalo.

31. Englai pawha inring reng mi chu, englai pawha mahni tihtur dik taka titu an ni.

32. Englai pawhin ṭhuro angin nunnem la, muvanlai angin kawlhsen rawh.

33. Fa sual neih chu pema chingal hnawih ang a ni a, fa ṭha erawh chu tuihna kanglo ang an ni.

34. Fa sual neih chu Sakei hliam aiin an hlauhawm zawk.

35. Fa sual neih i duh chuan, a thu zawm fo rawh.

36. Fate hnathawh i zirtir loh chuan, thatchhiat i zirtir a ni.

37. Ngaihtuah lova thusawi chu, tin lova silai kah ang a ni.

38. Ngaihtuah ngun lohna hian mi a ti pawngpawrh a, fellohna hian mi a ti tlaw.

39. Ngaihthiamna i neih loh chin zelah khan, a thinrim a intan ṭhin.

40. Ngawih hun hriatloh hi thusawi hlutna hloh tirtu a ni.

41. Haidertu tluka hrilh hriat har an awmlo.

42. Harsatna chuan thian derte a umkianga, ṭhianṭha a siamsak ṭhin.

43. Harsatna tel lova hlawhtlinna chu, hlawhtlinna tak tak a ni lo.

44. Hawihhawmna hi sum seng lova mite ṭanpuina ṭha ber a ni.

45. Hawihhawmna tel miahlo hmangaihna chu, artui chhungmu neilo ang a ni.

46. Hawtu neih i duh chuan i sum puktir rawh.

47. Kan ram hian enge min pek theih ti lovin,ka ram tan hian enge ka pek ang? kan ti zawk tur a ni.

48. Hotu ṭha nih i duh chuan, hnung zuitu ṭha nih phawt a ngai.