Bible
hi kan sawi tawh angin Evi leh Adama aṭanga Juda(Israel)chanchin ziahna bu liau
liau a ni a,in enchiang teh ang.
Bible
a Genesis an tih hi in chhui hmasa phawt teh ang,Genesis ziaktu hi Mosia a ni
a,Mosia hi kan hriat angin Aigupta Lalram chhungah Lal fapa nihna changin
engkim finna zirin a awm a, amah hi Israel hnam thinlung pumi tak a ni a, Israel
mi leh Aigupta mi an insual pawhin " tunge thiam zawk"pawh ti hmasa
lova,_Aigupta mi zawk vawthlu duh khawpa hnam thinlung pumi a ni. Chutiang ang
mi chuan khawvel bul in ṭan dan leh Evi leh Adama chanchin, ama pianhma kum
2000 hmalam chanchin hnam thinlung pu takin a rawn ziak ni hian a lang a ni.
Chu chuan an hnam ropuina tur leh an chungnunna turin an hnam zia zawng zawngte
chu Pathianah rawn pu lutin a rawn ziak zel niin a lang tlat a ni. In chhui
chiang teh ang aw.
Evi
leh Adama aṭanga an thlah kal chho zel Lal lal laia an in thlahchhawn dan
thlengin an rawn ziak a, chu chuan chu chu a hring a, chu chuan chu chu a hring
a, tiin an rawn ziak thla zel a,an in thlah chhawn dan chhuina in Bible chu
thui pui pui an rawn luahkhat tir ta a ni. An ni chuan an ziak chipchiar kher mai
a, Lal Davida chu Lal rolpui tak niin, Pathian ang rilru pumi niin an ziak a, nimahsela,
a nung chang zawng zawng ziah lohva hleih an neih loh avangin Uria nupui inbual
lai a lo it em em a,a it avanga Uria indona ah thi ngei ngei turin a tir a,a va
thih tak hnuah a nupui a neihsak tak chanchin nen lam an ziak ta zel a,keini
Mizote chuan he lehkhabu (Bible) ngei hi Israel fate an hnam chanchin a chhe
lam leh a tha lam an ziahna lehkhabu hi PATHIAN LEHKHABU THIANGHLIM, THUNUNG,
PATHIAN THAWKKHUM angin kan lo pawm ta a, i han en zel teh ang.
Pathian
Lehkhabu Thianghlimah chuan Isareal fate zingah Lal ropui tak Lal Solomona'n
nupui tak za sarih leh hmei zathum aneih hnu pawh a, Shilom nula (Berampu fanu)
a ngaihzawn dan chanchin hla thlankhawm ah te khan nulat tlangval in hmangaihna
lam thu hlir a chuang a, Lal Solomona kha tunlai angah te hian khatiang khan
han khawsa ni sela, kan sawichhe nasa viau in kan dem viau mai lawng maw! Chu
bakah Lota nupui chikhawnah a Chan hnuah, a fa nula te hoin a pa an hrai rui a;
an mutpui chanchin te chu Pathian lehkhabu thianghlim (Bible ,Israel fate
chanchin ziahna) ah chuan a lo chuang zel mai a ni. Tin, an awmdan reng reng te
lah chu Pathian thuah an chantir zel a, Zawlneite ngei ngei pawhin nawhchizuar
an va neih pawhin "Lalpa'n nawhchizuar va nei rawh min ti" an ti zel
a. Pathian thuah an chantir vek mai a ni. Bibleah hian Solomona te leh Laldang
indawt dan te an ziak zel a, Lal thinchhe deuh chanchin te, chu tiang zelin an
hnam kalphung kha chipchiar takin an ziak zel a, Biak In an sak dan leh an
Maihun te nen lam, an khawnvar dahna te nen chi tinreng ziah loh lai reng reng
an nei lova, anmahni Israel te leh hnamdang te nen an indo chanchin te an ziak
zel a, Aigupta hoin sala an man a, hrehawm taka an awm thute leh an chhuah leh
thu te,Mosiain mli a vuakthluk a,a tlanbo chanchin te an ziak chipchiar hie a ni.
Pathianin min kaihruai anti a, Pathianin a kaihhruai dan lam chu kan dem love, mahse
Bible hi chu anmahni hnam chanchin a chhe lam leh a ṭha lam an ziahna ani tih
kan hriatchian a tha a ni. Keini Mizote he lehkhabu ah hian kan tel ve lova, kan
sakhaw lehkhabu pawh a ni bawk lo tih hi zofate hian i hrechiang ang u.
He lehkha ziaktu hi Tunge a nih a in tarlang ngam lo bok a Tunge a nih ka Hre bok hek lo.
ReplyDeleteA thuziah hi sirkhat cauh in a thlir emaw ni aw tih theih in a awm ni in a lang a. Tlem in ka'n thairang ve hlek ange.
Nia, Kan Hre deuh theuh awm e, Bible ti awm Zia chu "Lehkha bu te" tihna mai ani e ti in kan mithiam ten an sawi thin kha. Cutia tih awm reng atan bu dang2 a in belhbawm teuh reng bawk a. He Bible hi hlawm lian tak 2 ah then a ni a, thuthlung hlui leh thuthlung thar ti in. Thuthlung hlui ah bu 39 a awm a thuthlung thar ah bu 27 a awm .cung zawng2 belhkhawm a hmunkhat ah thui belhbawm vek a nih vang in Lehkha bu te(Bible) an lo tihna a ni reng a ni.
Tin , kan hriat ang in a bu hmasa lam kan chhiar chuan Juda hnam(Israel) te chanchin hlir in a khat a ni. A Pathian thu lo zawng tak a chhiar tu tan phei cuan chhiar ninawm pawh a tling reng a ni. Cu vang chuan Pathian thu Thiam(a hming ka Hre twh lo a, min lo ngaidsm u la)pakhat cuan thuthlung hlui hi cu Juda ho pe daih mah I la thuthlung thar hian vanram cu min hruai thleng thei hrim2 a lo ti reng a ni. A ma erwh chu khristian sakhaw rinna vawng tu te hnen ah cu tiang a pek le khristian ten a kan hman loh tur in rwtna chu a siam hauh lo.
Cuan kan hriat a tan a tha ka tih cu khawvel sakhua zawng2 ah hian khristian sakhua na zuitu hi kan kan Ber tih hi a ni. Chu tih lai kar a mizo hnam tlem te chauh ina khristian sakhua na zui ang hrim a a rwn chhuah hi tha ka ti hauh lo mai a, khawvel ah sakhua tamtak a awm a, a engsakhua pawh lo zuirwh I mi sakhua bu swisel zawng a tih hi thaber in kei cuan ka Hre lo a ni. Belhcian dawl pangai ni bok si lo nen. A zah thlak.
Mizo hnam tlemte chauh zui leh hman sakhua lehkha bu mai a ni lo ti hi lo Hre thar se ka duhsak na ka hlan bok e.
By lalzoliana.
He lehkha ziaktu hi Tunge a nih a in tarlang ngam lo bok a Tunge a nih ka Hre bok hek lo.
ReplyDeleteA thuziah hi sirkhat cauh in a thlir emaw ni aw tih theih in a awm ni in a lang a. Tlem in ka'n thairang ve hlek ange.
Nia, Kan Hre deuh theuh awm e, Bible ti awm Zia chu "Lehkha bu te" tihna mai ani e ti in kan mithiam ten an sawi thin kha. Cutia tih awm reng atan bu dang2 a in belhbawm teuh reng bawk a. He Bible hi hlawm lian tak 2 ah then a ni a, thuthlung hlui leh thuthlung thar ti in. Thuthlung hlui ah bu 39 a awm a thuthlung thar ah bu 27 a awm .cung zawng2 belhkhawm a hmunkhat ah thui belhbawm vek a nih vang in Lehkha bu te(Bible) an lo tihna a ni reng a ni.
Tin , kan hriat ang in a bu hmasa lam kan chhiar chuan Juda hnam(Israel) te chanchin hlir in a khat a ni. A Pathian thu lo zawng tak a chhiar tu tan phei cuan chhiar ninawm pawh a tling reng a ni. Cu vang chuan Pathian thu Thiam(a hming ka Hre twh lo a, min lo ngaidsm u la)pakhat cuan thuthlung hlui hi cu Juda ho pe daih mah I la thuthlung thar hian vanram cu min hruai thleng thei hrim2 a lo ti reng a ni. A ma erwh chu khristian sakhaw rinna vawng tu te hnen ah cu tiang a pek le khristian ten a kan hman loh tur in rwtna chu a siam hauh lo.
Cuan kan hriat a tan a tha ka tih cu khawvel sakhua zawng2 ah hian khristian sakhua na zuitu hi kan kan Ber tih hi a ni. Chu tih lai kar a mizo hnam tlem te chauh ina khristian sakhua na zui ang hrim a a rwn chhuah hi tha ka ti hauh lo mai a, khawvel ah sakhua tamtak a awm a, a engsakhua pawh lo zuirwh I mi sakhua bu swisel zawng a tih hi thaber in kei cuan ka Hre lo a ni. Belhcian dawl pangai ni bok si lo nen. A zah thlak.
Mizo hnam tlemte chauh zui leh hman sakhua lehkha bu mai a ni lo ti hi lo Hre thar se ka duhsak na ka hlan bok e.
By lalzoliana.