ZOFATE DIN CHHUAHNA KAWNGPUI

Kan tan Pathianin ro a rel:

Mihringte kan dam rei lohna chhan chu Pathian min siam dânah dam rei thei kan nih loh vâng a ni a, chhan dang a awm lo a, bawhchhiatna vâng a ni

Chuang hek lo. I taksa kha han zir chiang la, rei tak daih tûra siam a nih lohna i hre thei ang. Boruak ṭha hîp a, chaw leh tui hmang a, chumi ringa nung tûra siam chu kan ni. Chuvângin, boruak ṭha kan mamawh a, ei tûr ṭha kan mamawh a, tui in tûr kan mamawh bawk. Hengte hi an awm loh chuan kan nung thei to tih chu sawi tam ngai loin kan hre thei mai awm e. Heng kan

mamawh hrang hrangte hi mihringte hunbi neia kan nuntheihna atâna Pathian siam a ni a, kan mamawh ang zêlin min pe a ni.

Mihringte hi leilung luaha awm zêl tûr kan nih avangin chi thlah malsâwmnain min thuam a, kan inthlah chhâwng zêl a, kan upate erawh Chu an ral zêl a, ṭhang an lo thar zel a ni. Engtia rei nge mihringte hi khawvêlah inthlah chhâwnga leilung kan luah zêl dâwn kan hre lo. Pathian thu a ni a, Pathian chauhin a hria a ni. Tuia tla te, thingin a delh te, meiin a kan te, thinga tla te, natna tuarte hi thi thei lo ta se a râpthlâkin a va hrehawm dâwn em! Kan tâna ṭha tûrin Pathianin ro a rêl si a.

Pathianin mihring a Siam:

Mihringte hian Pathian siam kan ni tih Chu kan hnial awm lo e. Pathianah nun kan nei tih pawh kan na hnialin ka ring lo. Chuti a nih chuan Pathian siam kan ni a, Pathianah nun kan nei tih kan hriat bawk chuan siamtu Pathian nên pumkhat kan ni tih chu a chiang a; chuvângin, siamtu Pathianah kan chanvo a awm si chuan thil dang vânga Pathiana chanvo nei kan ni lo tih chu kan hre thei tawh ang.

Pathianin a thil siamna hmanrua hi mihringte a hrilh lo a, kan rinthu mai a ni ṭhin. Chuvângin, mihringte Pathianin min siam hian eng aṭanga Siam nge kan nih tih chu kan ngaihtuah buai a ngai lo a, eng hmanga Siam nge kan nih pawh kan chhût buai a ngai lo e. Amah Pathian chu engkim siamtu a ni a, mihringte pawh ama siam kan ni. Chuvângin, mihringte hi Pathian thua siam kan ni tih hi innghah nan a tling tawkin a him a ni. Mi ṭhenkhatin vaivut aṭanga siam kan ni an ti a, ṭhenkhatin leia siam kan ni tih leh tui aṭanga siam kan ni te pawh an ti a. Amaherawhchu, kei chuan Pathian thua Siam kan ni tih hi ka innghahna chu a ni.

Mihringte chu awm ṭan ni leh tâwp ni neia Pathian siam niin kan ngai thin a, mahni hun ṭheuhah kan tâwp a, thlahte an lo ding chhuak zêl a; chuvângin, mihringte hi eng tika tawp tûr nge kan nih tih leh kan awm ṭan ni kan hre lo a, mahni hun ṭheuh bâka mihring nih phung hrim hrim hi eng tika awm ṭan nge kan nih a, eng tika tâwp tûr nge kan nih tih hi kan hriat loh avângin Pathianah ka nghat a ni.

Pathianah nun kan nei:

Kan sawi tawh angin thil dang vângin kan nung lo a, Pathian thu nung kan neih te, Pathian thua siam kan nihna te, Pathian nên pumkhat kan nih thute kan sawi tawh. Chutiang a nih chuan kan nunna chan leh nunna changtu kan ni tih chu kan hria a, thihna pawh kan ta a ni tih kan hre bawk.

Mi thenkhatin an zawh thin chu hei hi a ni - Thih hnu piah ram tih hi mi thenkhat zawhna a ni. A chhanna chu hetiang hi a ni - Pathian Siam kan nihna kan pawmin kan hre tawh a, Pathianah nun kan neih kan hre bawk a, thihna pawh Pathian thu a ni tih kan sawi tawh. Chuvangin, mihring hi thi mah se a siamtu mawhphurhna a ni a, kan dam laia kan Pathian chu kan thih hnuah pawh kan Pathian a ni a, a danglam ngai lo. Mihring chu a thi thei a, thi thei mihring a nih avângin chatuana awm reng Pathian chu a danglam lo a ni. Chuvângin, kan dam emaw, kan thi emaw, Pathian thu a ni. Khawvâla i piang chhuak tûr i hre lo ang bawkin i thih hun tur pawh i hre lo a ni. I thih hun phei chu hriat a har ngawt ang. Chuvangin, ngaihtuah buai loin Pathian thu a ni tihah chiang ila a ṭha ber mai.

Khawvelah hian mihring inthlah chhawng zêl hi chhuan eng zat nge kal tawh tih hi tu nge hre thei? ṭhenkhatin Evi leh Adama aṭanga mihring lo awm ṭan nia an sawi rualin Evi leh Adama te awm hma hian hnam ṭhenkhat, changkâng tak tak an awm tawh thute ziakin an târ lang si a, Evi leh Adama te hian fa pahnih an nei a, a upa zawk Kaina a ni a, a naupang zawk Abela a ni tiin lehkhabuah kan hmu a ni. A naupang zâwk Abela'n Beram rual a enkawl a, a upa zawk Kaina chuan lo lam a enkawl a, an thawh chhuah ve ve aṭangin Pathian hnênah an pe a. A naupang zawk Abela'n Beram rual zinga piang hmasa ber leh thau ber a pe a, Pathian a lâwm a, a upa zawk Kaina'n loa a thlai thar a pe ve a, Pathian a lawm lo tih kan hmu a ni.

Chuti a nih chuan an Pathian khân thlai ai chuan sa a duh zawk a nih hmel hle mai. Hei vâng hian a u zâwk Kaina kha a thinrim a, a nau Abela chu a that ta mai a. A nau a thah avâng chuan a nau thisen phuba lâk chu tuar ngam loin a tlân bo ta a. A tlân bona lamah chuan nupui a nei ta a. He thu hi lehkhabua kan hmuh a ni. Chutiang a nih chuan Evi leh Adama te fa ni lo hi

khawvêlah mi dang an lo awm tawh a ni tih chu a chiang hle awm e. Keimahin ka mit ngeia ka hmuh Hindu Temple pakhat, Gujarat tuifinriat kama mi chu a reiin a upa tawh hle. "Kum sing khat chuang lai a ni tawh e," an ti a. Keiin ka hmuh ve chin ,kha chu kum A.D. 5-naa sak zawh a nih thu a enkawltute'n min hrilh a ni. An sawi zêl dânin Arab ram ṭangrualin vawi sawmhnih leh pali an chhut chhiat hnuah sak ṭhat leh a ni a, A.D. 5-ah an sa zo tih min hrilh a, vawi khat sak zawh nan hian kum tam tak a ngai a, a satute pawh hi vawi tam tak an inthlâk a ngai a ni an ti.

Chuti a nih chuan Evi leh Adama-te awm hmain mihring an lo awm tam hle tawh a ni tih chu kan hre thei awm e. Chuvângin, mihringte kan awm ṭan ni leh tâwp ni hi kan hre thei lo. Chhuan hmasa an ral a, chhuan tharin a thlâk zêl si a; chuvangin, Pathian kuta innghah hi a him ber a ni.