Editor Picks


widgeo.net

Sunday, May 3, 2020

                                                                                                                        Puithiam Rorellian
      Lalpa Pathian ngaih chuan, khawvel hnam tin te hi angkhat vek kan ni a, kan chenna khawvel hi, lungrual taka kan luah ho tura a duan leh a ruahman a ni.
        Hnamtinte hi a duh taka a din hran ṭheuh kan ni a, Lalpa Pathian kutchhuak vek kan nih avangin, Pathian mite nilo Hnam kan awm reng reng lo, kan zain Pathian mite kan ni vek a ni.
       Khawvel mihring ten sakhaw pawl hrang tam tak siam chhuak a, Pawl hrang hrang kan indo vek mai si te, dik ber nih inchuha, mahni pawl (sakhua) tundin tum a, theihtawpa hma kan la ṭheuh mai te chuan, indona nasa tak mai a siam a,
       Sakhaw indona mai bakah, Ram leh ram te, Hnam leh hnam te kan indo a, ralthuam hlauhawm pui pui mai te kan siam chhuak a, heng ralthuam hlauhawm te hi, mihring leh mihring indona tura ruahman vek a ni.
       Kan zaa min siamtu Pathianin thu a rawn sawi meuh chuan, khawvel pumpui mai chuan indona lam ngaihtuah thei hauh lovin, Lalpa Pathian rawn tirh Hripui lam chu kan hawi ta ṭhup mai a ni.
         Khawvela indona siamtu sakhaw hrang hrang leh, Ram leh thuneihna kan inchuh na chi zawng zawng te chu dahṭha tlang vekin, kan Pathian biakna Inte pawh chu  khar vek niin, mahni leh chhungkua chauha Pathian biakna theihnaah khawvel chu kan tawlh lut ta puk mai a, Lalpa Pathianin thu a rawn sawi meuh chuan khawvel kan lungrual ta ṭhup mai a nih hi.
       Tuna hripui rawn inlar hi, Khua Pathian tirh a ni a, Khua Pathian chuan khawvela cheng mihringte hnenah hriattir duh a neih avanga Hri rawn tir a ni e, Pathian min hriattir duh hrang hrangte chu, :-
1.  Khawvel hnamtinte Pathian a nih zia hi min hrilh hriat a duh a, khawvel ami ten Pathian hrang hrang kan neih hi nuaibo a duh a, amah chu hnamtinte Pathian a nih zia pholan hi a ni.
2.  Khawvel mihringte hi, tumah indo lova, kan luah ho tura khawvel hi a din a ni tih hnamtinten kan hriatna tura Pathian duan a ni a, kan indo vak vak a, mahni mihring puite thah nan ralthuam hlauhawm pui puite kan siam a, kan indo tawh lohna turin kan do rawn tur Hripui min rawn pe a nih hi.
3.  Khawvela sakhaw hrang hrang kan neih thluah hi a pawm lo a ni tih leh, Amah engkim siamtu Pathian chauh hi sakhuaa vuan tlang zaa, khawvel hi sakhaw pakhata kan luan zana tura Pathianin thu a rawn sawina a ni tih kan hriat chuan, khawvel hi sakhaw pakhatah kan awm vek tawh anga, hnamtin ten mahni hnam.zawn ṭheuhin Pathian chu kan be tawh ang, sakhaw pawla inlak tuma inbeih a awm ngai tawh lovang.
       Mihausa an thi a, mirethei an thi a, Pathian rawngbawl nia inngai an thi a, Pathian rawngbawl nia inngai lem lo pawh an thi bawk.
       Kan chenna khawvel hi siamtu Pathian rorelna hnuaia awm a ni a, ruahtui far khat pawh hi Pathian thu lo chuan a far hauh lo a nia.
       Chuvangin, tuna ?Hripui rawn inlar pawh hi, Pathian remruat a nih avangin hlau reng reng suh u, Pathian thu lo chuan i thi dawn reng reng lo, i thihna tura Pathian ruat a nih erawh chuan i pumpelh hauh lovang,
       Khawvelin Pathian a hawisan vaih chuan, keimahni ralthuam hmang ngei hian, tuna chhiatna aia rapthlak daih hian khawvelin a tuar thei a ni.
       Hawh u, Lalpa Pathian remruatna ang thlapa kan ram hi awm mai turin, Pathian kutah i nghat mai ang u, kan innghat sual reng reng lovang, tichuan, a lo thleng ang apiangah kan lungawi dawn nia,

1 comment:

  1. MlS Casino & Resort, Reno - jtmhub.com
    Find Official Site of 익산 출장마사지 MlS Casino & Resort. Reno, 공주 출장샵 NV 89449. This website uses cookies to improve your experience. By continuing 동두천 출장마사지 to use this 대전광역 출장마사지 website you agree to 남양주 출장마사지 the use

    ReplyDelete